سلام عليكم
ااكيد رمضان السنادى مختلف لينا عن اى رمضان ,السنادى رمضان جاى فى وقت صعب من السنه والصيام حيكون شاق ع بعض الناس بس لازم نتذكر ان الثواب دايما يكون على قدر المشقه وعاوزين يكون شعارنا السنادى بردو هو
(احسن رمضان)
بجد كل منا يحاول يبدأ يحط نواياه من دلوقت للاعمال اللى نفسه يعملها فى رمضان لان انما الاعمال بالنيات ولا احد منا يضمن انه حيبلغ رمضان ام لا فاللهم بلغنا رمضان
انا شايف اننا نبدأ من دلوقت ندرب نفسنا ع بعض الاعمال اللى ممكن نعملها مثلا
الإكثار من الدعاء: "اللهم بلغنا رمضان"
الاعتياد ع تلاوه القران الللى كتير منا هجره طول السنه الا مارحم ربى
قيام الليل من الآن بقيام ركعتين مثلا كل ليلة بعد صلاة العشاء
قراءة أحكام وفقه الصيام كاملاً
ودى بعض الاعمال اللى نعملها فى رمضان
1
-
التوبه و محاسبة النفس
عايزين قبل رمضان نتوب من كل الذنوب الى احنا بنعملها وتكون توبة نصوحة و محاسبة انفسنا على التقصير فى الطاعات و على ارتكابنا اللذنوب والمعاصى و مجاهده انفسنا فى عدم العوده اليها ابدا وهذه الايه بشرى لمن يريد ان يتوب قال تعالى: {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ} [سورة الزمر: 53]فانها بالفعل افرح ايه فى القران
وياريت نحافظ على اننا كل يوم فى رمضان نصلى ركعتين توبة على الذنب اللى عملنها فى هذا اليوم
-2-
الصلاة:
عايزين نحافظ على الصلاة فى اوقاتها لا لتأخير الصلاة عن ميعادها اول ما يوذن الاذان نقوم نتوضىء ونصلى علطول
وتكون فى جماعة للرجال فى المسجد اما الفتيات تحاول تصليها جماعة فى البيت مع اخواتها
-3-
النوافل:
عايزين نحافظ على النوافل يعنى 12 ركعة نافلة فى اليوم وفى حديث عن رسولنا الكريم من حافظ عليهم دخل الجنة
وهما 2 ركعة قبل الفجر , 4قبل الظهر و2 بعد الظهر , 2 بعد المغرب , 2 بعد العشاء وبكده يبقو 12 ركعة
-4-
صلاة التراويح:
نحافظ على صلاة التراويح كل يوم وكلها مش نصلى اتنين ونمشى حاول تعين نفسك وشوف مين من اصدقائك يعينك واذهبوا مع بعضكم لكى تشجعوا بعض
والمسجد اللى هتصلى فيه يكون بيختم فى شهر رمضان ويكون الصوت الشيخ اللى تصلى معه يكون صوت حسن لكى يسعدك على الخشوع
-5-
صلاة التهجد:
ياريت نحافظ على صلاة التهجد ولو حتى ركعتين يومين
-6-
صلاة بعض السنن:
مثل صلاة ركعتين بعد كل وضوء
صلاة تحية المسجد وغيرها من السنن مثل صلاة الضحى+أذكار الصباح و أذكار المساء كاملة [ ]
الجلوس بعد الفجر إلى الشروق وصلاة 4ركعات
عن النبي صلى الله عليه وسلم قال: "من صلى الصبح في جماعة، ثم جلس في
مصلاه يذكر الله حتى تطلع الشمس، ثم صلى ركعتين، كان له مثل أجر حجة وعمرة
تامة".. قال رسول الله صلى الله عليه وسلم: "تامة تامة تامة". رواه الترمذى
-7-
القران الكريم:
نكثر من قراة القران فرمضان شهر القران والختم على الاقل مرة فى رمضان
ونختم القران ايضا سمعيا بسماع كل يوم جزء من القران فى الكاسيت اوى الموبيل او الكمبيوتر وبكده هيحسن قراتنا للقران
-8-
الصدقات:
قال رسول الله صلى الله عليه وسلم:
"إن صدقة السر تطفىء غضب الرب تبارك وتعالى }[صحيح الترغيب].
وروى البخارى عن ابن عباس رضى الله عنهما , كان رسول الله صلى الله عليه و
سلم أجود الناس , و كان أجود ما يكون فى رمضان حين يلقاة جبريل عليه
السلام , و كان يلقاة كل ليلة فى رمضان فيدارسة القرآن فلرسول الله صلى
الله عليه و سلم أجود بالخير من الريح المرسلة
ب- نحاول تفطير صائم ولو كان على شربة ماء-صدقة لمسجد أو غيره فاعمال الخير كثيرة
ونساعد فى عمل شنط رمضان
وعمل زكاة المال وزكاة الفطر
-9-
صلة الرحام:
كل يوم اسال على احد من اقاربك وان كان فى ضغناء سامح ولا تعاتب اى احد
فالرسول قال : لا يدخل الجنة قاطع رحم
-10-
صيام الجوارح:
يعنى عايزين نصوم العين
بانها لاتنظر الى ماحرم الله وكمان مش طول اليل والنهار امام المسلسلات والبرامج وهكذا خلينا نعود العين على الطاعة
وكمان نصوم الاذن
يعنى لاتسمع الغيبة والنميمة وكمان الاغانى عايزين نعود الاذن على سماع القران والكلام الطيب
وكمان نصوم اللسان
يعنى يكون لسان ذاكر لله تالى للقران ويقول الكلمة الطيبة
11
الدعاء :
هيا نضع لأنفسنا دعوات معينة ونلح عليها طوال الشهر فلا يأتي رمضان القدم إلا وقد إستجيبت وان ندعو بان نكون من عتقاء هذا الشهر الكريم من النار قال رسول الله -صلى الله عليه وسلم-: (إنَّ لله تبارك وتعالى عتقاء في كل يوم وليلة -يعني في رمضان- وإن لكل مسلم في كل يوم وليلة دعوة مستجابة) [صحيح الترغيب (992)، وصحيح الجامع (
2169)]
فإن شهر رمضان هو شهر العتق من النيران عن أبي هريرة -رضي الله عنه- قال: قال رسول الله -صلى الله عليه وسلم-: (إذا كان أول ليلة من شهر رمضان، صفدت الشياطين ومردة الجن وغلقت أبواب النار، فلم يفتح منها باب وفتحت أبواب الجنة، فلم يغلق منها باب، وينادي مناد: يا باغي الخير أقبل، ويا باغي الشر أقصر، ولله عتقاء من النار وذلك كل ليلة) [صحيح الترمذي (682)، وصحيح ابن ماجه (1642)]
( ولا ننسي الدعاء لفلسطين والمسجد الأقصي الأسير ولأيضا إخواننا في العراق وأفغانستان ولبنان وكل المسلمين )
12
الاجتهاد فى العشر الاواخر كلهم لان فيها ليله خير من الف شهر الا و هى ليله القدر
وبكده نكون عملنا جدولنا وعلى فاكرة احنا نريد ان نعود انفسنا على هذه الافعال فى رمضان لتكون دائما معنا حتى فى غير رمضان
يلاه قوم اعمل الجدول الخاص بيك ومش حاوصيك بقى ابعت لكل اصحابك لعل واحد منهم فقط يستفيد به و يكون فى ميزان حسناتك ان شاء الله
الدال على الخير كفاعله
الخميس أغسطس 05, 2010 9:58 pm
